سيكل - الذكاء العاطفي والشخصية النرجسية

::Photo credit goes to its owner::

- قدرة الشخص على تفهم شعوره الشخصي وتفهم شعور الناس من حواليه هى نوع من أنواع الذكاء التسعة

 اسمه الذكاء العاطفي emotional intelligence والتعاطف مع الغير empathy هو ركن من خمس أركان بيحددوا نسبة الذكاء العاطفي عند الشخص .

و الذكاء العاطفي عند الناس هو شبه أي ذكاء في كونه يمكن زيادته و تطويره بالاهتمام بيه.

دا فيديو تتعرف فيه أكتر ع الذكاء العاطفي

https://www.youtube.com/watch?v=Y7m9eNoB3NU

- لما جينا في cycle نتكلم عن اضطراب الشخصية النرجسية Narcissistic personality disorder قولنا صفة هامة جداً من صفاته و اللي أنا بحسها صفة مميزة جداً وليها علاقة بالذكاء العاطفي عند الشخص دا، و هي غياب أي إحساس عنده بالتعاطف تجاه حد lack of empathy , بمعنى ان الشخص النرجسي دا معندوش القدرة نهائياً انه يتعاطف معاك أو يحس بمشاعرك و يتعامل معاها.

و دا - باختصار - لأن النرجسية هو اضطراب ف الشخصية بيخلي صاحبه متمركز حول ذاته self centered بمعنى أن الشخص النرجسي هو شخص غير مهتم إلا بذاته هو وبسعادته الشخصية والحاجات اللي المفروض الطرف التاني يقدمهاله وتلاقيه دايماً عنده list كامل بالحقوق بتاعته، بس معندوش أي علم بالحاجات اللي بتفرح الطرف اللي معاه في علاقة او إيه هي الحاجات اللي المفروض يقدمهاله و تلاقي مفيش list بالواجبات اللي عليه.

- النرجسية اضطراب ممكن الشخص يصاب بيه بسبب جيناته اللي ورثها من أهله و ممكن بسبب أزمات في مرحلة الطفولة بتحصل للشخص - يطول شرحها - و دا مشترك بينه و بين باقي اضطرابات الشخصية personality disorders  الموجودة.

ولكن اللطيف ف النرجسية انها ممكن تبقى صناعة مجتمعية بمعنى إن المجتمع هو اللي يغير سلوك أفراده ويخليهم نرجسيين.

و دا بيكون شائع في المجتمعات التنافسية أكتر أو في المهن اللي فيها صراع مستمر بين أفرادها، و دا لأن التنافس الشديد بين الناس بيخليهم مهتمين جداً أثناء تنافسهم بتحقيق أهدافهم الشخصية و الحصول على كل ما هو مفيد ليهم و لو على حساب غيرهم،  وبيفقدوا تدريجياً اي قدرة على الالتفات لإحتياجات غيرهم و بيفقدوا تدريجياً القدرة على التواصل و التعاطف مع مشاعر الغير، ودا بينعكس بصورة أنا لاحظتها في علاقاتهم الشخصية مع أزواجهم و أبنائهم و كل علاقاتهم المقربة . 

- من أكتر الحاجات اللي أنا شايف ان كل واحد لازم يهتم بيها أنه يكون له بيئة غير تنافسية بالمرة، بيئة معينة بعيد عن مجال شغله مثلاً ميكونش هدفه فيها إنه يظهر نفسه أو يعلي من قيمتها، مكان معين يكون دوره الوحيد فيه إنه يهتم بغيره مش يهتم بنفسه زي إنه يشارك ف الأعمال الخيرية او إنه يقدم أي صورة من صور المساعدة للناس و الإهتمام بطلبات غيره مش طلبات نفسه.

الأماكن دي بالذات بتخلي الإنسان عنده قدرة إنه ينمي جزء الـ تعاطف تجاه الناس empathy واللي بدوره هيعلي ذكاءه العاطفي ويخليه متفهم لمشاعر غيره ومشاعر نفسه أكتر.

 

-  أنا بحترم جداً نوعية الأصدقاء أو المعارف اللي الشخص بيتعامل معاهم و مبيكونش حاسس إنه عاوز يبهرهم بأي صورة من الصور أو يستعرض إنجازاته قدامهم،  الناس دي التعامل معاهم صحي جداً ف نحافظ عليهم . 

                                                                                                                 

#cycle #hamed_ahmed #emotional_abuse #silent_treatment #self_awareness #Emotional_Intelligence

#سيكل #حامد_أحمد #وعي_بالذات #إيذاء_عاطفي #ذكاء_عاطفي

سيكل - الذكاء العاطفي (الوعى بالذات)

::Photo credit goes to its owner::

- مؤخراً بقيت اتفرج على بعض فيديوهات الشيخ الحويني القصيرة - كنوع من الفضول - و خصوصاً على فيديوهات النصايح اللي بيقدمها لأتباعه في أمور الحياة و كدا، ف فتحت فيديو كان بيتكلم فيه عن الزوجة الصالحة فلقيت ان الشيخ بيقول أن المرأة الصالحة بتعرف جوزها عاوز إيه بسرعة و من غير ما يتكلم.

ف أنا لقيت أن فكرة شريك الحياة اللي بيعرف شعورك من غير ما تتكلم هو مطلب عام عند الجميع، ف هو عند السلفيين من مميزات المراة الصالحة،  و هو عند غير السلفيين من مميزات الراجل اللي بيفهم، ولعل فكرة مين اللي بيقيم ويطلب مميزات في شريك الحياة دي تستحق التعليق بس مش حالاً يعني . 

- قدرة الشخص على فهم شعوره و فهم شعور غيره هو نوع من انواع الذكاء التسعة الموجودة عند الإنسان اسمه الذكاء العاطفي Emotional Intelligence EQ.

و الذكاء العاطفي هو الصفة المثالية اللي كل شخص بيتمناها في شريكه اللي هيرتبط بيه أو في أهله اللي هو عايش معاهم أو أصدقائه و أي علاقة حميمية intimate في حياته .

و دا بيرجع لأن الإنسان بيخاف جداً من الشعور بالوحدة fear of solitude و الانعزال عن اللي حواليه، ومن صور الشعور بالوحدة هو إنك تحس ان اللي قصادك مش متفهمين مشاعرك أو مش قادرين يترجموها صح أو بيترجموها غلط، و لعل دا من أحد أهم الأسباب اللي بتخلى أي حد بيعاني من مرض نفسي أو مشكلة شعورية يلجأ للعزلة، لأنه حاسس إنه مش قادر يوصف مشاعره الغريبة عليه وكل اللي حواليه مش قادرين يفهموها منه فبيحس أنه وحيد و منعزل شعورياً عنهم فـ بيلجأ للعزلة الجسمانية كمان

لذلك من أكتر الأوصاف اللي بنوصف بيها شخص إحنا بنحبب و نحب علاقتنا بيه إننا نقول " إنه بيفهمني كويس " والفهم هنا مش معناها فهم عقلي و لكنه المقصود بيه فهم مشاعري . 

- قدرة الشخص على أنه يتفهم شعورك هو جزء من أجزاء الذكاء العاطفي اسمه التعاطف empathy ودا اللي الناس كلها بتتكلم عنه على أنه هو الصفة المثالية المطلوبة، و لكن الشخص عشان يطور الجانب دا من ذكاءه العاطفي محتاج يكون طور بالفعل باقي الجوانب اللي لازم تكون موجودة عشان الشخص يتصنف ذكي عاطفياً ويعرف يبقي متعاطف معاك

يعني عشان تبقى ذكي عاطفياً و عندك تعاطف empathy محتاج يبقى عندك باقي العوامل اللي بيقوم عليها الذكاء العاطفي عالية

يعني الشخص عشان يكون عنده تعاطف empathy معاك و يقدر يفهم شعورك و يتواصل معاك محتاج إنه يطور باقي الجوانب، زي مثلاً جانب الوعى بالذات self awareness و دا اللي هتكلم عنه دلوقتي وأسيب الباقي لبوست بعدين.

الوعى بالذات self awareness ببساطة هو إمكانية الشخص على التعرف على شعوره الخاص و قدرته على تحليل حالته النفسية الحالية و وصفها في كلمات أو أي نوع من أنواع الوصف زي الرسم أو إبداع أي عمل فني أو أدبي زي انك تكتب قصيدة أو رواية تعبر عن مشاعرك الخاصة

ولما بعض علماء النفس حاولوا يحطوا اقتراحات لتطوير قدرة الفرد على الوعي بذاته قالوا :

1 . انه محتاج يزود حصيلته من الكلمات vocabulary اللي بتوصف المشاعر عن طريق قراية كتب الأدب و الرويات و الأشعار، ودا لأن الأدب الحقيقي القوي بيعرف الشخص على ألوان جديدة من المشاعر ومن الحالات النفسية اللي ممكن تعدي بالإنسان،  ولإن أنواع الحوارات dialogues الموجودة في نصوص الكتب الأدبية بتخلي الفرد يتعلم إزاي يعبر عن مشاعره بإسلوب مشابه جداً للموجود قصاده، ولعل الناس اللي بتقرى أدب كتير بتلاقي نفسها متأثرة جداً في وصفها لنفسها بأسلوب الأديب اللي بيكتب .

2 . البيئة السليمة اللي بتحفز التواصل communication بين أفرادها، ولعل دي نقطة مهمة جداً وجب التأكيد عليها،  و هو إن الشخص عشان يكون عنده القدرة على تفهم شعورك الخاص و على الاستماع و الإنصات ليك لازم يكون حصل على نفس الفرصة منك أنه يوصفلك شعوره الخاص و إنك تكون سمعته.

 يعني بمعنى أبسط، عشان يفهم مشاعرك و يفهم تعبيرك عنها محتاج يكون خد الفرصة إنه يعبر عن مشاعره معاك و أنت حاولت تفهمها معاه .

- لعل من النقطة رقم ( 2 ) يطلع لنا حاجة مهمة جداً إننا نستعرضها، وهو ظن الناس أن الشخص اللي عنده تفهم empathy المفروض عليه أنه يفهم مشاعرك وأنت ساكت أو بالمعنى المتداول " يحس بيك من غير ما تتكلم "

 وللأسف فـ الاعتقاد الخاطئ دا بيخلي الناس تحط بعض في نوع من أنواع الأذى النفسي emotional abuse وهو اسمه ال silent treatment و دا معناه أن طرف من الطرفين يفضل ساكت نهائياً مستني الطرف التاني أنه يتفهم شعوره من غير ما يتكلم،  ويستمر في صمته كمان شوية عقاباً لشريكه إنه لحد دلوقتي مفهمش ودا شيء مؤذي جداً وزي ما قولت انه متصنف من عالم النفس Harriet Braiker أنه نوع من أنواع العقاب النفسي الشديد والمؤذي . 

دا البوست الأول عن الذكاء العاطفي للي حابب يقرأ أكتر

https://www.facebook.com/2010.hamed.ahmed.hamed/posts/1610864392300156

دا مقال عن ال silent treatment

https://www.psychologytoday.com/us/blog/ambigamy/201110/the-silent-treatment-when-people-leave-you-guessing

#cycle #hamed_ahmed #emotional_abuse #silent_treatment #self_awareness #Emotional_Intelligence

#سيكل #حامد_أحمد #وعي_بالذات #إيذاء_عاطفي #ذكاء_عاطفي

حامد - فيديو جديد عن العلاقة المؤذية

حامد نزل فيديو جديد، والمرة دي هيتكلم عن العلاقات المؤذية في حياتنا، سواء في العائلة أو من حبيب أو من أصدقاء أو أدى بيتم من شخص في محيطك ...

هنتعرف على:  

يعني ايه علاقة مؤذية destructive relationship؟

و ليه ناس بتدخل العلاقات المؤذية و متعرفش تطلع منها ؟

الفيديو:

https://www.facebook.com/2010.hamed.ahmed.hamed/videos/1639955336057728

وكان الموضوع أثير من قبل في فيديوهات، ياريت تشوفوها كمان:

- الفيديو الأول عن الـ الأذى والإعتداء النفسي emotional abuse

https://www.facebook.com/story.php?story_fbid=1556408321079097&id=100001298318355

- الناس اللى حابه تقرأ بدل المشاهدة ففي البوست دا  عن الـ emotional abuse

https://www.facebook.com/story.php?story_fbid=1506177849435478&id=100001298318355

مازال للحديث بقية، تابعوا السلسلة التي ستثار من خلال فيديو ومقالات .. بطريقة سهلة وممتعة تقدر تخلي المحتويات مفيدة ولطيفة للكل.

نشر المحتوى عن طريق ال share هيساعد كتير..
أي تعليق ع المحتوى مهم جداً 

#cycle
  #hamed_ahmed
#destructive_relationship
 #videos

#سيكل #حامد_أحمد #علاقة_مؤذية #فيديو

أجبان نباتية من حليب المكسرات والصويا

الشكر لصفحة السيدة Earth’s Garden

الصورة بالأعلى هو طلبي من صحن مشكل “عينات” من كل أنواع الجبن التي تقوم مشكورة بصنعها منزليا للتجربة لكي تحدد بالضبط أي نوع تفضل وبأي كمية ترغب فيها لاحقا.. .. هي جبن نباتية أي من مصدر نباتي “حليب مكسرات وصويا” وليست كالجبن الموجودة بالأسواق التي تُصنع من حليب الأبقار.

نظرا لمشكلة حساسية المكسرات لدي .. لذا ساعدتني مشكورة وبكل لطافة في عمل صحنين منفصلين لكي تستطيع عائلتي تناول الجبن المُصنعة من مكسرات، ويكون لدي طبق خاص بي فيه الجبن مصنوعة من حليب الصويا…

كمحاولة مني للمساعدة سأحاول شرح طعم كل صنف بناء عن تجربتي وتجربة عائلتي .. مع توضيح أن الاذواق تتفاوت، فالأفضل هو التجربة لتعرفوا المُفضل لكم.

في البداية لا تتعاملوا معها إنها تشبه الجبن المعتادة .. بل تعاملوا معها إنها صحن حلو عموما مش مرتبط بحاجة او بذكرى طعام تاني في بالكم.

طيب ما فائدة الأجبان المُصنعة من مصدر نباتي؟

اولا: هتساعدنا نكمل في نظام Vegan المُتبعاه بقالي فترة لا بأس بيها بعد ما كنت نباتية لمدة 6 سنين، ودا تحول أنا حباه جدا

ثانيا: الناس اللى عندها مشكلة مع منتجات الألبان من مصادر حيوانية وبتسبب لها حساسية أو مشاكل في الهضم، يقدروا ياكلوا جبن من مصادر تانية ويستمتعوا

ثالثا: توسيع مداركي وغيري أن مفيش أكل ربنا خلقه في صوره واحدة، لو لم نتناوله بهذا الشكل يبقى عيب وحرام ومش هينفع ويبقى طعمه وحش .. التعود هو سر اللعبة، كل ما تتعود هتكتشف انه ممكن تاكل أي حاجة في الدنيا وتستغرب نفسك كنت بتاكل الشيئ الفلاني دا ازاي.

لنبدأ مع صحن الجبن بالمكسرات: وهي مُرتبة على حسب تفضيل عائلتي

(Cashew cheddar cheese: (Black seed and plain

جبنة شيدر مصنوعة من مكسرات الكاجو ( نوع بحبة البركة ، ونوع سادة بدون اضافات)

في الصورة هتلاقوا بطاقة الاسم موجودة على نوعين جنب بعض .. نوع سادة ودا النوع الاطرى وممكن بسهولة تتفرد جوه السندويتش .. ولكن النوع اللى بحبة البركة طعمها اقوى لذا فهما حبوا النوع اكتر.

– Almond Labna

لبنة مصنوعة من اللوز

طعمها حلو وغنية بطعم التوابل وحبة البركة .. حبة البركة طعمها مش واضح أوي بل هو مزيج عشبي متبل.

– Pepper jack raw non dairy cheese from cashew

جبنة مصنوعة من مكسرات الكاجو مضاف لها فلفل رومي ألوان 

لطيفة كإنها جبنة بيضا عليها فلفل أخضر رومي وطماطم

– Almond cream cheese

جبنة كِريمي مصنوعة من اللوز 

على حسب احساسهم ان فيها مذاق زيت زيتون، يمكن ترمس .. سهلة الفرد في السندويتشات.

صحن الصويا:

كبداية الجبنة الخالية من توابل محتاجة تتاكل معاها حاجة او توضع توابل جنبها .. يعني زي نوع (جبنة مشوية، والجبن الأبيض) محتاجة تتاكل مع طماطم، فلفل رومي، توابل علشان طعمهم مُحايد أقرب مممم لطعم الجبنة الحلوم الخالية من الملح.

اما (جبنة متبلة) الموجودة في صحن بلاستيك داخل الصحن الكبير .. عبارة عن كورتين، كورة خضرا ودي فيها طعم الزعتر واضح .. والكورة التانية فيها تقريبا طعم ثُماء والاتنين عليهم معلقة زيت زيتون… والاتنين طعمهم غني.

همسة: ولقد أعطتني فكرة لتناولها مع الجبنة .. وهي تقطيع الطماطم مكعبات صغيرة، وتقطيع بصل مكعبات صغيرة أيضا وخلطهم معا ووضع توابل ويمكن وضع زيت زيتون.

يعني من الآخر، الحاجات اللى فيها نكهات كتيرة أو توابل هي اللى غنية بالطعم، وبتكون بديل كويس للأجبان المعتادة وبتخليكم مش خايفين من تجربة شيئ جديد لأن فيه طعم ما مش حاجة مُحايدة .

تجربة جديدة ومميزة وعائلتي فرحت بفكرة إني خلتهم يجربوا حاجة جديدة ونوسع افاقنا .. تسلم ايدها على تعبها ومجهودها

في صفحات بتقدم حاليا أجبان نباتية، وفيه فيديوز على اليوتيوب بتشرح طريقة عملهم في البيت، دوروا عليها وجربوا ;)

#أجبان_نباتية

#نظام_حياة

#أكل_صحي

#جبن_صويا