الطراز الاسكندنافي

::Photo credit goes to its owner::

تعرف ايه عن الطراز الاسكندنافي ياد يا مرسي:D

طب ايه الفرق بينه وبين المينيماليزم ؟!!

الطراز الاسكندنافي اتسمى بالاسم ده نسبة لإسكندنافيا (Scandinavia) هي شبه جزيرة تقع في شمال قارة أوروبا وتتكون من الممالك دنمارك، والنرويج، والسويد ويعتبر الاستايل السويدي الأكثر تميزا في الذوق 

الاسكندنافي والأكثر انتشارا عند ناس كتير، وده راجع لانتعاش التجارة في السويد..

الطراز الاسكندنافي بشكل عام استخدم اسلوب الحد الأدنى والتبسيطية في تصميماته وكان صاحب الفضل في عودة استخدام الألوان الهادية والباهتة واستخدام الأبيض بكثرة ودمج الخشب بدرجات فاتحة واهتم بالاضاءة الطبيعية والصناعية وحرص على فراغات مشرقة ومفتوحة ..

يعتمد الطراز ده على اختيار خامات طبيعية، ألوان هادية، وخطوط وتكوينات مينيمالية بسيطة زي المثلثات والخطوط المتقاطعة. 

وتطوّر الطراز في الدول الاسكندنافية من خمسينيات القرن الماضي. واللي اعتمدوا فيه على استخدام الأخشاب فيالتصميمات واختيار ألوان موحدة تقريباً، أغلبها من لون الخامات الطبيعية.

ومن هنا يجي التشابه بينه وبين الطراز المينيمالي، وكتير من التصميمات بتجمع بين المينماليزم او التبسيطية والاسكندنافية معا، بس الفرق بيكون في الخامات المستخدمة وطريقة تأثيث البيت، ولكن التشابه الكبير بينهم هو ارتباطهم بالبساطة وقلة الفوضى والعملية ..

ودول 7 نصائح بسيطة لو حابب تصمم بيتك على الطراز الاسكندنافي ..

 
1. اختيار واستخدام أرضيات خشبية فاتحة

2. اختيار اللون الأبيض للجدران ..

3. ألوان من قلب الطبيعة "زاهية ودافئة"

4. دمج وتوظيف الخامات الطبيعية في عناصر بيتك" زي المفارش الصوف والمشغولة كروشيه والصناديق الخشبية والاكسسوارات المصنوعة من الخوص" وكمان عناصر نباتية خضراء مهمة وبشكل أساسي في أي تصميم ..

5. الإضاءة مهمة جدا واختيار عناصر إضاءة بسيطة ومش معقدة وذات تصميمات جريئة ومختلفة، والحفاظ أكيد على الإضاءة الطبيعية زي ما قولنا، وهنلاقي الستاير خفيفة وفاتحة وساعات مبيكونش في ستاير أصلا ..

6. دمج خامات مختلف زي الصوف والشمواه والخيوط القطنية والفرو ..

7. تصميمات الأثاث على الطراز الاسكندنافي هنشوف ليها امثلة في الصور، ومن اكثر الاماكن اللي متوفر فيها الاستايل ده أيكيا ..

البوست الأصلي على الفيسبوك:لرؤية الصور بالكامل

https://www.facebook.com/aya.maneer.9/posts/624180564593884

#furnish_your_home
#interior_design
#scandinavian_interior_design
#continued