طرق تأمين البلكونات/الشُرفات لأطفال

 

::Photo credit goes to its owner::

إزاي نخلي سور البلكونة آمن للأطفال؟! ..

بما أن الأطفال الأبرياء معندهمش أفكار انتحارية زي انهم يتشعلقوا على سور البلكونة، وبما أن التصميمات الحالية للبلكونات في الأغلب بتشجع الأفكار الانتحارية عند الأطفال زي أنهم بيحطولهم عتب قريب يقدروا يطلعوا عليه أو أن السور يكون كله حديد أو ارتفاعه قليل ..

فـ ممكن نقترح خمس أفكار ممكن تكون مفيدة .. افتحوا الصور <3

- الجدار الخشبي ممكن نختاره مش كامل ومتحرك مش ثابت وبيدي خصوصية للبلكونات كمان وأوبشن أنك تحول البلكونة لفراغ معيشة في أوقات الصيف الحارة، وبالطبع بتحمي الأطفال من الوصول لسور البلكونة ..

- السلك الشبكي القوي بيتثبت خارجي أو داخلي، وممكن يقوم بدور ديكوري زي أنك تعلق عليه اضاءة أو نباتات.. من مميزاته أنه بيحافظ على الإضاءة والتهوية زي ما هي من البلكونة وبيحمي برده طفلك من خطر سور البلكونة ..

- في أحدى الصور المصمم اختار يقفل البلكونة لشباك وتصميم رف ثابت، لكن ممكن تصميم الرف الثابت أو المتحرك ده من غير تقفيل البلكونة وبتستغله طبعا استغلالات كتيرة وبرده بيبعد الطفل عن أعلى نقطة في السور ..

- تعليق صناديق نباتات ثابتة على سور البلكونة وخاصة النباتات الضخمة زي الظل أو الشجر المتسلق بيدي شكل جمالي وبيحمي طفلك من أنه يوصل لقمة السور، بس الحل ده بيحتاج عناية كبيرة بالنباتات عشان تحافظ عليها وتمنع تواجد الحشرات ..

"ممكن كمان تزرع في بلكونتك نباتات منزلية زي النعناع والريحان وبتدي ريحة جميلة ومنعشة، والنباتات كمان بتقوم بدور عازل للأتربة ..

- الحل الأخير لو أنت في منطقة حارة جدا تقفيل البلكونة بضلف زجاجية ثابتة أو متحركة، حل عملي ولكنه مكلف طبعا، وبيحافظ على الإضاءة وبيديك أوبشن في التهوية ..

البوست الأصلي على الفيسبوك: مرفق به كل الصور 

https://www.facebook.com/aya.maneer.9/posts/726289261049680

#home_decor_mistakes
#Decorate
#furnish_your_home
#Continued