دلالة بعض الألوان في الديكور

::Photo credit goes to its owner::

بمناسبة العمل الفني والتجديد اللي حصل في محطة مترو الأوبرا بالقاهرة.

الألوان على عكس ما الكل يعتقد أنها مجرد اختيار شخصي يعتمد على ذوق الانسان إلا أنها لها دور فعال في التصميم الداخلي ..

احنا بنتفاعل مع الألوان في المحيط اللي بنعيش فيه، فمن خلال تعريف المنظومة اللونية للفراغ وهي مجموعة الألوان المستخدمة داخل التصميم طبقا للمعايير والأسس العامة المرتبطة بوظيفة الفراغ نفسه وجماله..

بنظرة سريعة في التاريخ، فمثلا الحضارة الفرعونية استخدموا الألوان في الفراغات الداخلية والحوائط والأسقف وكمان العمارة الإغريقية باستخدامهم خامات مختلفة زي الجرانيت والرخام ..

أما في العمارة القوطية هي مرحلة من العمارة الأوروبية، فاستخدموا الزجاج الملون كان له تأثير رائع على فراغاتها الداخلية. و الرخام الملون ليه دور متميز في العمارة بمصر وتركيا وغيرهم من البلاد الإسلامية.

وكمان استخدمت الألوان في العمارة الشعبية في العالم زي النوبة وقرى وسط وجنوب أفريقيا، التي تعتبر التلوين من طقوس البناء الأساسية..

ولأن الديكور هو فن يمس حياتنا اليومية فهو مش خاضع لاختيارتنا الشخصية فقط، إلا أن الألوان لها تأثير نفسي ومعايير هندسية يجب الالتزام بيها ..

فاعتماد مخطط ألوان ناجح يعد الخطوة الأولى في نجاح التصميم.

ثبت علميا في الدراسات السيكولوجية للألوان أن لكل لون تأثير خاص يتأثر بيه الإنسان، فمثلا اللون ممكن يزود احساسك بالحزن أو الضيق أو عدم الراحة، أو العكس بالبهجة والانتعاش

بالاضافة لأن كل لون ليه دلالة مختلفة حسب الثقافة الخاصة بالمجتمع، فيه شعوب مثلا بتعتبر الأبيض ركز للطهارة والفرح، ع عكس الصين مثلا اللي بيعتبروا الأبيض رمز حداد وحزن، وفي ألوان أخرى اتجمعت عليها شعوب وثقافات زي الأزرق وهو لون السماء بيعبر عن السعة والشعور بالصفاء، والأخضر بيعبر عن جمال الطبيعة والخير والعطاء..

فمثلا لو حبينا نستعرض شوية ألوان ..

*اللون الأبيض ..
رمز للاتساع والإشراق والهدوء، ويفضل استخداه في الأماكن الضيقة لأنه ليه تأثير بصري قوي، هيحسسك أن المكان أكبر ومنور ..

* اللون الأخضر:
لون متوازن ومتوافق ومحايد بين الدفء والبرودة وبيعبر زي ما قولنا عن الخير والعطاء ..

* اللون الأحمر:
لون دافئ مليان عاطفة وقوة وحيوية، بيجذب الانتباه،
بيستخدم في تصميمات المطاعم من الداخل ولوجوهات الأكل المشهورة زي ماك وكنتاكي لأنه من الألوان المحفزة للشهية ولمشاعر الجوع، ويصفها علماء النفس بأنها فاتح بصري للشهية، وفي وجهة نظر تانية أنها بتستخدم في المطاعم عشان تحفز الانسان يخلص بسرعة ويمشي لأنها ألوان بتحفز على الحركة..

*اللون الأزرق:
رمز للسلام والهدوء والصفاء، بالاضافة للأمان والثقة، لون هادئ ويناسب الحمامات مثلا وغرف النوم لأنه بيساعد على الاستراخاء ..هو كمان لون بارد وبيفضل استخامه في الأماكن الحارة، لأنه بيعكس احساس بالبرودة والانتعاش ..

* اللون الأسود:
هو لون الفخامة والوقار وفي مجتمعاتنا هو رمز للحزن ومرتبط بالموت والتشاؤم، وبيزيد الاحساس بالعمق، بيفضل استخدامه في الأماكن ذات ارتفاع عالي ومفتوحة ..

وبناءً على الكلام ده .. فاختيار اللون الأسود في مكان ضيق بيمر ناس كتير فيه زي ممر في مترو، هو خطأ فادح هندسيا لأنه هيكون ليه تأثير على زيادة العمق، الناس هتحس أن الممر أطول وعرضه أضيق وسقفه أوطى، وكان الأفضل استخدام درجات زاهية زي الباستيل وتكون لامعة ..

الفكرة عظيمة أن احنا نلون ونبهج الناس ونخلق مساحات رائعة للذكريات في أماكن ميتة وساكتة .. لكن التنفيذ فيه أخطاء ..

شوية مقالات عن الموضوع ..

https://www.thoughtco.com/color-psychology-and-human-behavior-4151666
+
https://feltmagnet.com/drawing/The-Psychology-of-Color-How-Color-Affects-Human-Behavior
+
https://www.verywellmind.com/color-psychology-2795824
+
https://www.psychologytoday.com/intl/blog/habits-not-hacks/201408/color-psychology-how-colors-influence-the-mind

البوست الأصلي على الفيسبوك: مرفق به كل الصور

https://www.facebook.com/aya.maneer.9/posts/591504971194777

#تدوينة_كل_يوم
Day 6
#محطة_الأوبرا

#color_psychology

#furnish_your_home

#interior_design

#continued

#Interior #cycle #psychology #design #coloring