عن تكديس الشقة بالأثاث

::Photo credit goes to its owner::

من أكثر الأخطاء شيوعا عند تصميم بيت الزوجية  <3

- هو تجاهل الواقع والمساحات الحقيقية للبيت وشراء اللي على ذوقنا ومزاجنا .. فـ بالتالي نلاقي شقة مساحتها 60 متر فيها سفرة محتاجة أصلا لنص مساحة الشقة الفعلية .. أو أوضة نوم السرير لازق في الدولاب في التسريحة .. 

- اختيار تصميمات غير مناسبة برده لمساحات الشقة .. فـ يجي العميل يختار أن الاربع حيطان في أوضة صغيرة يتعملوا "جيبسوم بورد" .. يا عم يهديك يرضيك كده هتصغر الأوضة أكتر .. لا هو كده .. أو أسقف معلقة بخطوط معقدة وكتير فا تزحم الأوضة وتقلل ارتفاعها واحساسك النفسي جواها هيكون بالضيق والعتمة مهما زودت الإضاءة .. 

- اختيار أثاث غير عملي زي النيش والبوفيه الضخم وتجاهل حاجات زي المكتبة وترابيزات متعددة الاستخدامات ودولاب عملي .. 

- ورق حائط بلازمة ومن غير لازمة .. وده بيخلق زحمة بصرية مزعجة وعلى عكس ما انتو متخيلين أنه هيزود من فخامة البيت .. بيقلب تلوث بصري مش لطيف ..

- عدم الاهتمام بفراغات مهمة ي الحمام والمطبخ في تصميماتهم وتهويتهم وإضاءتهم وهما بالأساس روح البيت.

- تكديس أشياء ملهاش أي ستين لازمة .. زي العدد اللانهائي من الفوط والملايات والكاسات والكلام ده .. واللي بيتحول مع الوقت للكراكيب ميزانيات مهدرة .. 

- الاعتماد على ضوء النجفة أو عدم الاهتمام بتوزيع إضاءة جيدة وتوازن بين الإضاءة الدافية والباردة في البيت .. 

كفاية كده النهاردة :D

البوست الأصلي على الفيسبوك:

https://www.facebook.com/aya.maneer.9/posts/722994391379167

#part1
#home_decor_mistakes
#Decoration
#furnish_your_home
#Continued