ربط التحرش بـ لبس المرأة

::Photo credit goes to its owner::

- محاولة ربط بعض الناس بين هيئة البنات وازدياد معدلات التحرش هو الخطوة التانية اللي هنفضل فيها شوية بعض ما تخلصنا من اللوم الكامل للضحية #victim_blaming، و المرحلة القادمة المرجوة هي تجريم التحرش الجنسي أخلاقياً على المجتمع و قانونياً في الدولة.

محاولة الربط السببي causation بين جرايم التحرش ولبس الستات هو مغالطة كبيرة غير مستندة لأي إحصائيات تثبتها و لا حتى إستقراء للتجارب الشخصية في المجتمع 

.

و لكن دوافع خلق رابط بين التحرش ولبس المرأة، ودوافع الجريمة عموماً - في رأيي- ليها أسباب معينة:

1. أسباب أيديولوجية، و فيها بيستعمل التيار المحافظ الإسلامى الأزمة فى الدعوة إلى الحل الإسلامى - في الهيئة و السلوك - اللي بيحافظ ع المرأة تحت وصاية جوزها مقابل إنه يقدملها الحماية المستمرة، و فيها ربط شرطى عندهم بين استجابة المرأة لرأي جوزها على أكمل وجه مقابل حصولها ع الحماية منه و من المجتمع، بمعنى إن الحماية هنا للضحية مشروطة، ودا طبعاً بيزدهر في غياب الحل القانوني من الدولة 

.

2. التحرش هو نوع من أنواع الترهيب للجنس التاني، فيه بيقوم المعتدى بإقصاء الضحية من مكان معين و دا لأنه شايف إن الضحية ملوش حق في المكان دا.

يعنى شعور الرجالة بإستحقاقهم للأماكن العامة أو شغلانات معينة هو اللي بيدفعهم لممارسة التحرش الجنسي كنوع من ترهيب الطرف التاني عشان يسيبوا المكان ويمشوا، أو يخافوا ينزلوا من البيت أو يروحوا الشغل وهما خايفين و دا بالضرورة - إحساس بعدم الأمان - بيقلل كفاءة الإنسان في شغله 

.

3. فهم خاطئ للطبيعة الجنسية للطرفين، بسبب التشجيع المستمر للرجالة على إبراز رغبتهم الجنسية كنوع من إبراز الفحولة، و تثبيط التعبير عن الرغبة الجنسية عند المرأة كنوع من إبراز العفة، و دا بيخلى الرجالة معندهومش حرج إنهم يعبروا عن رغبتهم الجنسية في الشارع بل إنه بيحاول يبرزها أكتر كنوع من إبراز مدى فحولته و رغبته الجنسية اللامتناهية سريعة الإستثارة لأى حاجة معدية 

.

4. التنمر  #bullying بيظهر في صورة التحرش و فيها بيحاول طرف من الاتنين التعدى لفظياً أو جسدياً على الطرف التاني بهدف تحقيق بعض التشبع النفسي لصورته المهزوزة عن ذاته. 

#cycle #hamed_ahmed

#سيكل #حامد_أحمد #تنمر #بلطجة #تحرش #لوم_الضحية

البوست الأصلي على الفيسبوك:

https://www.facebook.com/2010.hamed.ahmed.hamed/posts/1794212163965377