المقابل الحقيقي للحب والرعاية

::Photo credit goes to its owner::

- من أكتر العيوب اللي بتسبب خلط كبير في علاقاتنا مع بعض هو تحديد المقابل اللي هياخده أي طرف قصاد الإيجابي اللي هيقدمه للطرف التاني ف علاقتهم ببعض

يعني بعد ما تقدم حميمية  #intimacy ورعاية و اهتمام مادي أو معنوى للطرف التاني هيبقى من حقك تاخد إيه قصادها؟

الناس بتختلف جداً في تحديد المقابل اللي هي عاوزاه منك مقابل رعايتها ليك، و دا بيختلف على حسب نوع العلاقة اللي بتربطك بالناس دى وعلى حسب ثقافتكم و مجتمعكم اللي انتم فيه، فمثلاً المقابل اللي أهلك طالبينه قصاد رعايتهم غير اللي صديقك بيطلبه غير اللي انت مرتبط بيه بيطلبه/بتطلبه 

المشاكل بتبدأ من كذا نقطة منهم:

1.    إن طرف من الاتنين يفترض لنفسه حقوق المفروض ياخدها بحكم المسمى بتاعه ف العلاقة بس

 يعني لأنه " أب " أو " أم " شاركوا بحيواناتهم المنوية و بويضاتهم في حياتك دا بينص ليهم حقوق معينة أصلية وأساسية عليك، وأظن إن في ناس كتير بتعاني من أزمات تأنيب الضمير في تعاملهم مع أهلهم بسبب النقطة دي، وهو إن أهله مثلاً مشاركوش في حياته بأي شيء سوى كونهم أنجبوه و بيطالبوا بحقوق كتيرة بحكم دورهم دا بس و بيدعموا دا بقوة المجتمع و الدين ع الأبناء.

أو ممكن دا يظهر في شكل زوج شايف إن له حقوق أساسية بيحصل عليها في علاقته بزوجته زي طاعتها له ومش لسبب معين بيرجع لحكمته ولا حاجة و لكن لأن هو الطرف اللي عنده قضيب penis ف العلاقة، و دا ممكن نسميه في فقه علاقاتنا «المعروف من الحقوق بالقضيب بالضرورة»، و مطالب الست كذلك اللي بتظن إنها بتحصل عليها لنفس السبب.

الناس شايفه لأنها فقط تحمل مسمى وظيفي معين ف العلاقة دا بيديلهم صلاحيات و حقوق معينة.
النوع دا من الناس بيحتاج درجة بسيطة من الوعى و بعدها الطرف المُستَهلك هيعرف يتخلص من علاقته دي، والمجتمع ساعتها بيحتاج إعادة لتعريفات الحقوق و الواجبات. 

2.       إن طرف يقدم رعاية فعلاً بس يطلب قصادها أكتر من المفروض يطلبه، زي مثلاً لما يطلب قصاد رعايته:

*حريتك:
لأن هو بيحبك و بيعمل عشانك حاجات كتير ف هو له الحق إنه يحدد حريتك و يقيد حركتك و يحكم على تحركاتك.

* حدودك الشخصية للأذى:
لأن هو بيحبك و عامل عشانك كتير ف من حقه إنه يعمل الحاجات اللي بتضايقك و تزعلك و انت متتعاملش معاها إنها أذى.

* حدودك العقلية أو مبادئك:
لأن هو بيحبك و عمل كتير عشانك ف من حقه إنه يحدد ايه هي التعريفات المهمة في العلاقة، زي إنه يحدد تعريف الصح و الغلط و المفروض و المرفوض.

وممكن الأمثلة تطول و كلها صور منتشرة جداً من صور الأذى النفسي #emotional_abuse

في رأيي الشخصى إن كل ما هو حب و رعاية في أي علاقة ليك في مقابله حب ورعاية قصادها، و لكن ملكش في مقابل الحب اللي بتقدمه إنك تسلب شيء من الطرف التاني و لا تملك أياً من حرياته

يعني مش تسلب من الطرف التانى حريته فى التعبير عن الإذى أو حرية حركته أو حرية أفكاره في مقابل الحب اللي بتقدمه، و دا اللي بننادي بيه لما بننادي بالحريات عموماً. 

#cycle #hamed_ahmed

#سيكل #حامد_أحمد #أذى_عاطفي #حميمية #رعاية

البوست الأصلي على الفيسبوك:

https://www.facebook.com/2010.hamed.ahmed.hamed/posts/1779248705461723