المخاوف التي أثارتها رضوى الشربيني

::Photo credit goes to its owner::

- أنا مقدر جداً حالة الهياج اللى على رضوى الشربيني و"القلش" عليها و استعمالها كأداة للتشهير بالفكر النسوي رغم إنها غلبانة جداً ولا نسوية ولا حاجة خالص، ممكن نسميها بتعمل تنمية بشرية للستات.

المهم إن حالة الهياج عليها هى غضب عموماً من الفكر النسوى عند الشباب وغضب من شعار النسوية الأشهر اللي بيوصف الست انها لازم تبقى قوية #strong تعرف تدير مشاكلها، و مستقلة #independent ليها كيان مادى بتاعها و توجه خاص بيها

وأنا حقيقي مش قادر أتصور رفض أى شخص للموضوع دا إلا لكذا سبب شايفهم من وجهة نظرى: 

1.       الناس اللي بترفض أوى دى غالباً مرتبطوش قبل كدا نهائي لدوافع دينية أو شخصية، و لذلك بيبقى أغلبهم بيتكلم بخلفية أصولية و هو بيهاجم الفكر النسوى، و طبعاً التصور النسوى عن الإستقلال و القوة بيتنافى جداً مع أمنياته الرومانسية في حبيبته اللي صبر دا كله عشان يرتبط بيها بعد فترة انتظار الحلال اللي عملها، "فـ هتيجي ساعة لما نرتبط وخلاص أهوه تقولى مستقلة؟"

الناس دي لما هترتبط أو هتتجوز هتعرف قيمة إن مراتك تبقى strong فتعرف تتمالك مشاعرها فـ الأزمات، و independent  فيبقى ليها حياتها اللي عايشاها بعيد عنك و كل واحد فيكم يحس بحريته.

2.       الناس اللي عندهم نوع من أنواع الارتباط المرضى #insecure_attachment اللي بيخافوا جداً من إن الطرف التاني ممكن يسيبهم في أى وقت، و دا بيحصل بسبب تعرض الشخص دا لتجربة قاسية من الفراق قبل كدا، ف كلمة ال «إستقلالية» بتحرك عنده قلق نفسي #anxiety  من تكرار تجربة الفراق اللي فاتت

3. نشأة إجتماعية بتعلم الراجل إن الست لما تبقى معاها فلوس في جيبها ف دا بيعصيها عليه، و اللي عايش في محافظة إقليمية زيي أكيد سمع الكلام دا،هي الفلوس ببساطة بتدى الست بعض القوة بحيث يكون في توازن قوى بين الطرفين ف بالتالي محدش فيهم يفترى على التاني و دا مفيد ليهم هما الاتنين.

في دراسة اتعملت على طبيعة الشخصيات اللزقة  #clingy في علاقاتها، اللي بتفضل تلف و تدور حوالين الطرف التاني في العلاقة، لقت إن نوعية الشخصيات دي هى الأكثر عرضة لأنها تخون و الأكثر عرضة إنها يتم خيانتها، دا مقال عنها في   Daily Mail

http://www.dailymail.co.uk/femail/article-2489984/Needy-people-likely-cheat.html

أولاً هما بيخونوا لأنهم غالباً شخصيات غير آمنة #insecure و عدم الأمان هو اللي عامل عندهم قلق بيخليهم يرتبطوا بشدة بالطرف التاني، و بسبب قلقهم المستمر دا ممكن يستجيبوا لأى خيانة بطرف تالت يقدملها أمان أكتر.

ثانياً بيتم خيانتهم لأن الطرف المرتبط بيهم مبيستحملش قلقهم المستمر و بيحاول يتحرر من الحصار اللي بيعملوه عليه عشان يحس ببعض الحرية

#cycle #hamed_ahmed

#سيكل #حامد_أحمد #نسوي #رضوى_الشربيني

البوست الأصلي على الفيسبوك:

https://www.facebook.com/2010.hamed.ahmed.hamed/posts/1796506137069313