سيكل/بينك – صورتك عن جسدك

::Photo credit goes to its owner::

مقالة لـ آية منير

No One is Perfect ..

في سيشن كاملة عندنا في ورشة pink عن body image وإزاي هي بتأثر على حياة كل بنت ..

بس هو إيه ممكن يأثر على الصورة دي ويسبب شعور بالعار او الخجل او الوصم من جسمنا ..

هتكلم عن البنات بشكل رئيسي بس في كلام كتير هيكون مناسب كمان للرجالة ..

في مجتمع زي مصر في قبول غير مشروط بيتقدم للراجل يعني الأمثلة الشعبية بتاعت “الراجل ميعيبوش إلا جيبه” ..

اللوم الشديد لو بنت رفضت ولد عشان شكله في حين أن في قبول واسع بين أفراد المجتمع في تقييم البنت على أساس شكلها .. سواء كانت “رفيعة .. تخينة .. بيضة .. سمراء .. ملامحها وشعرها وغيره وغيره”

فـ قليل جدا لما بنلاقي ولد بيصرح بأنه عنده مشاكل مع صورته عن جسمه أو أنه حاسس بالخجل منه أو بالعار .. ده بينعكس برده على لغة جسد الستات والرجالة ..

فبشكل كبير بتلاقي الرجالة بتقعد واخدة مساحتها فاتحة رجلها وفاردة ضهرها على عكس نسبة كبيرة من البنات اللي ممكن تكون ضامة جدا جسمها على بعض ومقفلة على صدرها بأيديها وحركتها كله “انسكيوريتي”.

طيب ايه ممكن يسبب الصورة السلبية دي عند البنات ..

Appearance المظهر الشخصي

Media الإعلام

Motherhood الأمومة

Family العائلة

Friends الأصدقاء

comparing المقارنات

Parenting الأب والأم

Money المال

Work العمل

Health الصحة

Age السن

Sex الجنس

Religion الدين

Traumas الصدمات

Negative talking الأحاديث السلبية

harassment التحرش

Physical abuse الأذى البدني

– كل دي مصادر رئيسية للصورة السلبية اللي بنكونها عن جسمنا .. وأكبرها وأكثرها تأثيرا مؤخرا هي الميديا واللي كتبت مرة بوست كبير عن فكرة التسويق والتجارة من خلال تغيير صورة الجسم المثالية ..

وإزاي المكياج وشركات الموضة بتشتغل على ده ومن خلالها بتلاقي كتير من البنات بتتأثر وبتبدأ تشتري منتجاتهم عشان تكون زي الصورة المثالية اللي بتتقدم دي ..

– امتلاكنا صورة سلبية عن جسمنا بيقلل احترامنا لذاتنا والثقة بالنفس وده بيخلينا عُرضى للعلاقات الاستغلالية بحثا عن validation أو حاجة تساعدنا تسكن ألم الاحساس بالعار والوصم ده ..

وبتؤدي برضه لمحاولة لتغطية الجسم بشكل أكبر وأعنف .. وده مقصدش بيه أعمم لكن يعني النقاب والحجاب والعكس العري والكشف عن الجسم كلها ليها علاقة بصورة الجسد ومدى اتزانها .. وإزاي إحنا بنعتقد عن أجسادنا وبنتعامل معاه ..

– من أهم الأشياء اللي بتساعدنا نحقق صورة إيجابية عن جسدنا .. هو القبول لنفسنا ومحبة كل تفاصيلنا ونتذكر أن مفيش حد كامل .. وإننا نخلي المصدر الأول للصورة دي هي عيوننا احنا ..

وتغيير ما نعتقده عن الصورة المثالية وما نعتقده عن نفسنا .. والإبتعاد عن كل الدواير المؤذية ووضع حدود بينك وبينهم ومتسمحيش لحد يقلل من جمالك أو شكلك ..

– من الأشياء اللطيفة اللي بتساعد أصحاب الصورة السلبية أنهم يغيروا صورتهم عن نفسهم وجود شركاء ودوائر آمنة بتقبلهم وبتساعدهم أنهم يحبوا أجسادهم .. وخاصة الشريك الحميمي لأنه من أكثر العوامل المؤثر على العلاقة الجنسية ومدى استمتاع المرأة بيها هو قبولها لجسمها وقبول شريكها لجسمها ..

وبنسبة 87 % من السيدات في العالم بتمارس الجنس بشكل أدائي غير ممتع بسبب انشغالها بمدى رضا شريكها عن جسمها ..

وفي نسبة بتقول أنه 95 % من النساء تمارس الجنس في الظلام لنفس السبب .. خوفا من رؤية رد فعل شريكها على جسمها ..

وأكثر سن المرأة بتستمتع فيه هو ما بعد الأربعين لنضوجها وقدرتها على امتلاك صورة إيجابية عن جسمها وبسبب طبعا استعادتها لصحتها بعد مرحلة الانجاب والتربية والبهدلة دي ..

وفي النهاية ممكن تعملي خطة لطيفة لنفسك تحققي فيها اللي بتحلمي بيه لجسمك ومن غير ما تضريه أو تضغطي عليه ..

وتذكروا جميعا ..  No One is Perfect

#cycle #aya_moneer #body_image 

#سيكل #آية_منير #صورة_الجسد

الـ post الأصلي على الفيسبوك:

https://www.facebook.com/aya.maneer.9/posts/565982393747035

لمعرفة أخبار الورش وأماكنها يمكنكم متابعة صفحة Superwomen stories

https://www.facebook.com/Superwomenstory/