::Photo credit goes to its owner::
مقالة لـ “حامد أحمد” وفيها نتعرف هل نحن فعلا نميل للتعددية في الزواج أم نحن نميل ناحية الإستمرار مع شريك واحد.
– شوفت قريب مقطع لـ “ذاكر نايك”، كانت واحدة بتسأله على التعدد و كدا.
فقاملها بابتسامته الصافية و طاقيته البيضا بكل ثقة طبعاً و قالها dat is a fery ” important queston sista”
و اتكلم ف الأول عن إن الإسلام أصلاً مش محلل التعدد أوي، لانه محلله و واضع له شروط صعبة تعيق حدوثه، وهي إن الزوج لازم يقيم العدل بين زوجاته و دا صعب جداً و اللي مش هيعدل هيبقي في مشكلة كبيرة، و طبعاً ف الحالات دي العقوبة ع الراجل اللي مش هيعدل مش معروفة… هي حاجة وحشة بس مش عارفين ايه هي ؟
– مش عاوز أعلق على كل دا، الجميل ف الموضوع أن الراجل قال أن التعدد ضرورة لإنقاذ العالم ….. يا ساتر يا رب ليه بقى يا عم ذاكر؟
لأن عدد الستات أعلى من الرجالة بملايين، و دا معناه اننا لو طلقناهم ف الشارع من غير ما نسترهم هيمشوا يغووا في المسلمين و احنا مش ناقصين فتن، و خبط شوية أرقام بصراحة أذهلوني، اللي هو انت لو سمعتها هتحس ان البنات بيتحدفوا من السما عليك كدا من كتر ما هما مش لاقيين رجالة تلمهم .
– عموماً دورت في الإحصائيات فلقيتها بتقول أن sex ratio يعني النسبة بين الرجالة و الستات دايماً بتميل للتساوي.
و إن البلاد اللي بيكون فيها تعداد ستات أعلى زي “روسيا” بتكون بسبب ازدياد نسبة الوفيات من الرجال بسبب إدمان الخمور بتعادلها البلاد اللي نسب الرجالة فيها أعلى زي الصين اللي بيتم فيها قتل البنات أثناء الولادة.
و دا اتحط له قانون اسمه fisher principle بيشرح فيه ليه النسبة بين الجنسين بتميل للتساوي دايماً في الفصائل اللي بتعتمد على التكاثر الجنسي زينا كدا.
و رغم دا كله لقيت ان النسب الموجودة حالياً بتقول ان تعداد الرجالة في العموم – أصلاً – أعلى من الستات , اللي هو 101.70 راجل لكل 100 ست على مستوى العالم ، يعني هما اللي مفروض يعددوا تقريباً.
المضحك بقى أن أكتر دول فيها فرق كبير لصالح الرجالة على الستات هي بلاد عربية زي البحرين و الكويت و عمان و السعودية و قطر بالإضافة للصين و الهند – اللي عم ذاكر منها –
دي list فيها تعداد السكان في 201 دولة ف العالم
الإحصائيات فيها بلاد فيها معدل ستات أعلى من الرجالة بس دا مش العام و مينفعش نقول ان عشان البلاد دي التعدد اتعمل ، و العام اصلاً بيقول ان الرجالة اكتر.
– تاني حاجة معرفش ذاكر قالها و لا لا لأني قفلت الفيديو و مكملتوش ، بس هي حاجة شائعة بين الناس بتقول :
ان الرجالة بتميل – بطبيعتهم – لتعدد الزوجات polygamy بسبب ان دي ” فطرتهم ” الجنسية، إنما طبيعة الستات الجنسية بتميل للعلاقات الفردية monogamy و دا كلام معرفش أصله العلمي فين ؟
في دراسة اتعملت من دكتورة كندية اسمها Merrdith L Chivers في كندا على مجموعة من الستات لاختبار استثارتهم الجنسية sexual arousal بشكل عام.
الباحثة جابت مجموعة من الستات و خلتهم يتفرجوا على أفلام معينه تعمل استثارة ليهم و استعملت جهاز اسمه plethysmograph عشان تقيس درجة استجابة الستات عن طريق قياس كمية الدم اللي بيوصل للمهبل.
النتايج أظهرت ان الستات عندهم رغبة حنسية معقدة جداً أكتر من الرجالة بكتير، وأن الستات ممكن تميل لشخص غريب عادي بل انها ممكن تكون مش مثلية و تميل و يتم استثارتها عن طريق أفلام فيها مثليين على عكس الرجالة تماماً.
و في كتاب اسمه what women want بيتكلم عن القضية دي.
– تالت حاجة بيقولك الرجالة اللي عندها قدرة جنسية كبيرة يعملوا ايه ؟
دا ممكن نتعامل معاه زي الست اللي عندها رغبة جنسية كبيرة، أو نقوله أقعد في بيتك يا روح أمك بدل ما اطلع شرايط الفياجرا من الدولاب يا علق .
– طبعاً أنا ليا تعليق على حاجات كتير عند ذاكر نايك.
بس هختصره في ان الناس بتميل لتصديق أمثال ذاكر نايك بسبب الثقة الرهيبة اللي بيتكلم بيها في كل القضايا، و الراجل مفيش مرة قال لسؤال مش عارف، بيتكلم ف الطب و التطور و الكيما و الفيزيا و أعقد المشاكل الفلسفية الدينية اللي ممكن شخص يعيش حياته كلها يحط مؤلفات يشرح سؤال واحد منهم.
أفتكرت كلام صديقي Ahmed Saad Zayed لما قال انا مش في عداء مباشر مع الشخص دا و لكن في عداء مع اللي بيقدمه لأانه بيوصل للناس إيهام بالعلم، بيوصلهم بثقته الجاهلة ان كل شيء تمام و مفيش حاجة بتدعو للبحث ولا التقصى.
مش عليك الا ‘نك ” تكتب ذاكر نايك ع اليوتيوب وانت هتفهم كل حاجة ”
دمتم ذاكرين <3
#حامد_أحمد# سيكل# زواج_متعدد# شريك_الحياة
#cycle #Hamed_Ahmed_Hamed #monogamy #polygamy
الـ post الأصلي على الفيسبوك:
لمعرفة أخبار الورش وأماكنها يمكنكم متابعة صفحة Superwomen stories
No comments:
Post a Comment