::Photo credit goes to its owner::
مقالة لـ حـامد أحمـد
– تعرض الناس لأزمة نفسية أو مرض نفسي من عدمه بيعتمد على عوامل كتير منها العامل الجيني للشخص أو مدى قوة الصدمة النفسية Psychological trauma على الشخص، وكمان عامل شخصي وهو المرونة النفسية emotional resilience .
– المرونة النفسية عند الناس هي شبه جهاز المناعة في الجسم كدا، يعني كل ما الشخص يكون عنده مرونة نفسية أعلى كل ما امكانيته في التخطى و التأقلم coping مع الضغوطات النفسية اليومية stress والصدمات النفسية أعلى وتقل فرصة انهيار صحته النفسية ووقوعه ف المرض النفسي.
– المرونة النفسية بتتحكم فيها عوامل كتير جداً منها العامل الجيني برضه genetic factor وعوامل بيئية مختلفة زي التربية و الحالة الاقتصادية و الاجتماعية و نوعية التغذية وغيره.
طرق رفع المرونة النفسية عند الناس كتيرة جداً بس لفتتني منها طريقة مهمة حسيت اني عاوز اتكلم عنها وهي الـ self care techniques معناها أساليب العناية بالنفس
للوهلة الاولى تحس ان الطريقة دي مش حاجة مبتكرة يعني، فيها ايه لما أقول اتعلم تاخد بالك من نفسك ؟
لكن لما فكرت فيها حسيت فعلاً انها تفرق فهقول عليها كذا ملحوظة :
1 . دايماً بنلاحظ ان في بعض الناس عندها طقوس لنفسها كدا، بمعنى أنه عارف مثلا أنه بيحب يقعد بالليل و يسمع مزيكا، أو أنه يحب انه ينزل الجيم، أو يحب يقف في المطبخ يعمل لنفسه أكله صحية كويسة، أو يتفرج على ماتش كويس، أو يضحك و يحب الهزار مع صحابه أو يتفرج على برنامج كوميدي، أو ينزل يقعد في مكان هادي أو دار العبادة الخاصة بيه.
الـ techniques دي مهمة جداً ان كل واحد يكون عارفها عن نفسه وعارف ايه هي الحاجات اللي بيفضلها عن غيرها لأنها حقيقي بتساعده على التخلص من ضغوطاته اللي حواليه.
ولعل بعض الناس مش هتتوقع أن في ناس متعرفش تعتني بنفسها حقيقي وميعرفوش إيه هي الحاجات اللي المفروض يعملوها لنفسهم عشان يستقروا نفسياً ويهدوا و دا Links فيه بعض الاقتراحات
17 طريقة لكي تعتني بنفسك:
و دا لينك مقال بيشرح أنواع ال stress و أساليب العناية النفسية للنفس ، مقال جميل
2 . الشخص لما بيتعلم أساليب العناية بنفسه بيساعده كتير جداً انه يبقى مسئول عن صحته النفسية وميرميش عبء مشاكله النفسية على غيره، إحنا أكيد بنحتاج الدعم النفسي من غيرنا بس من الأفضل أكيد ان الشخص يكون عنده قدره على تحمل مسئولية صحته النفسية والرعاية بنفسه ودا أكيد بيسهل على الناس اللي حواليه مساعدته .
3 . الشخص عشان يتعلم أساليب عناية بنفسه هو شخص اتعرف على نفسه أولاً بالتالي عرف الحاجات اللي بتمتعها والحاجات اللي مش بتمتعها.
والتعرف على الذات أو أن يكون ليك صورة عن نفسك هى خطوة كبيرة جداً في طريق التعافى من المشاكل النفسية، لأن من أكبر المشاكل اللي بتواجه كتير من الناس في مرحلة تعافيهم من مشاكلهم النفسية هي عدم تعرفهم على أي شيء يخصهم أو يخص شخصيتهم و طباعهم، و شايف أن تعلم أساليب العناية النفسية الخاصة بيهم بتساعدهم على التعرف على نفسهم بصورة أوضح و دا بيسهل طريق التعافى جداً .
4 . تعليم أساليب العناية النفسية بالذات بتساعد الشخص أنه يعرف اللي بيسعده وبالتالي بالضرورة هيعرف اللي بيضايقه ومن هنا أظن انه هيعرف يكون حدود boundaries صحية حوالين نفسه تحميه من أن أي حد يعرضه لأي أذى نفسي emotional abuse .
– أنا كـ “حامد” ليا طرق خفيفة بساعد بيها نفسى منها إني أروح الجيم، و استحمى لفترة طويلة، وأقعد ف نور ضعيف أشرب أي مشروب ساخن وأسمع حاجات بحبها هحط كذا لينك لـ playlists بحبها :
– بلاي ليست Jazz
– بلاي ليست بيانو
– كمان واحدة بيانو
– ابداعات الشيخ محمد رفعت
– عبد الباسط الجميل برواية ورش
– بلاي ليست ” رجعت الشتوية “
الـ post الأصلي على الفيسبوك من هنـــا
لمعرفة أخبار الورش وأماكنها يمكنكم متابعة صفحة Superwomen stories من هنــا
No comments:
Post a Comment