::Photo credit goes to its owner::
مقالة لـ حامد أحمد
– الـ emotional abuse اللي هو العنف أو الإيذاء النفسي من أكتر الحاجات اللي مفيش عنها وعي في مجتمعاتنا و اللي بتؤدي لأغلب حالات تدهور العلاقات بين الناس و انهيار الجوازات أو العلاقات الأسرية بين الابن و والديه أو الصحاب أو غيره.
و من أكبر الأسباب اللي بتؤدي للأمراض النفسية الحادة زي الاكتئاب أو اضطراب ما بعد الصدمة أو غيره.
أنا مش هتكلم عن كل انواع الـ abuse بس هتكلم عن نوع شايف إن “السوشيال ميديا” اللي بيقودها بعض المختلين بيروجوا له كصورة من الحب المجنون جدًا أو الروش جداً.
أنا مش هتكلم عن كل انواع الـ abuse بس هتكلم عن نوع شايف إن “السوشيال ميديا” اللي بيقودها بعض المختلين بيروجوا له كصورة من الحب المجنون جدًا أو الروش جداً.
– بعض الناس بتتعامل مع المرض النفسي أنه روشنة وأنه مصدر للفخر إني أمشي أقول انا مريض نفسي يا جماعة، متكلمونيش يا جماعة عشان أنا مريض نفسي يا جماعة، إعرفوا إني روش و مريض نفسي.
وأكتر مرضين حازوا على إعجاب الفئة دي هو مرض الاكتئاب أحادي القطب – الإكتئاب العادي – و مرض الإكتئاب ثنائي القطب bipolar depression اللي هو ببساطة كدا بيخلي المصاب بيه بيعاني من حالات من الـ mania ، وهي السعادة الشديدة تستمر لفترة وبعدها فترة depression يعني اكتئاب حاد، ودا شيء بعض الناس افترضت أنه مغرق ف الروشنة لأنك مش شخص عادي أي حد ممكن يتوقعك، لأ أنت مجنون جدًا و ممكن تعمل حاجات غريبة في أي وقت…… و للأسف دي كارثة بتخلقها لينا “السوشيال ميديا” بروادها اللي غالبًا مهزومين اجتماعيًا، لأن التصور اللي بيقدموه هو نوع من أنواع العذاب النفسي للطرف التاني اللي هيتعامل معاك.
بيسموا الشخص اللي بيتعرض لنوعية الأشخاص اللي مش معروف رد فعلهم أنه “ماشي على قشر بيض”.
وفي اختبار تعرف بيه هل أنت في علاقة من النوع دا ولا لاء … اسمه egg and shell test
الشخص التاني اللي في العلاقة بيبقي بيعاني، مش عارف إمتى يتكلم و إمتى يسكت، إمتى يهزر وإمتى يتكلم جد، لأن الشخص الأول مش متوقع منه رد فعل معين و دا بيحط الطرف اللي بيتعامل معاه تحت stress شديد جداً.
الشكل دا من أشكال الأذي النفسي موجود في بيوتنا كلها…. في أب مش معروف بيغضب إمتى وبيسامح إمتى، لأن هو مفترض أنه لما يعمل كدا هيعرف يتحكم في البيت، وفي الأم اللي بتخاف من رد فعلها عليك، ومن الزوجة متقلبة المزاج بشكل غير مبرر.
كل العوامل غير السوية دي بتخلق نتايج غير سوية زيها، زي انتشار الكذب بين الأزواج أو انعدام لغة الحوار لأن احد الطرفين مش ضامن رد فعل التاني… و دا زي ما قولت مش بيقتصر على اضطرابات خفيفة بس، لا دا بيمتد عشان يوصل الشخص الضحية لأمراض نفسية يعاني منها بعدين .
#cycle #hamed_ahmed_hamed #abuse #emotional abuse
#حامد_أحمد #سيكل #إيذاء_عاطفي
الـ post الأصلي على الفيسبوك:
لمعرفة أخبار الورش وأماكنها يمكنكم متابعة صفحة Superwomen stories
No comments:
Post a Comment