“حامد” قد وعدنا بتسجيل فيديوهات تابعة لـ سيكل/ cycle لكي تكون متوفرة بشكل أسهل لمن يُفضل الفيديو عن المحتويات المقروءة ..
لذا هاهو قد عاد من أولى تلك التسجيلات التي تدور حول نظرية الإرتباط / « attachment theory » … وستجدوا الفيديو بالأسفل بعدما عرض الأفكار التي تُعبر عن محتويات الفيديو .. فكل الشكر له ولمجهوده.
حامد أحمد يقول:
نظرية الارتباط « attachment theory »
أول من عرض النظرية كان الطبيب John Bowlby و تطورت على أيد ناس تانية أشهرهم Mary Ainsworth.
النظرية بتدى نظرة مهمة جداً عن احتياج الطفل للارتباط attachment في مرحلة الطفولة من 0 الي 5 سنين ، و بتظهر أهمية كبيرة جداً لقيمة تقديم الدعم العاطفي للطفل ف المرحلة دي.
نظرية الارتباط بتحاول تظهر تفسير لصور الارتباطات اللي الناس بتتبناها لما تكبر عن طريق تحليلها لصور الارتباطات عند الأطفال.
في تلات أنواع من الارتباطات :
1 . ارتباط آمن secure :
و فيه بيكون الطفل حاسس بأمان وجود أهله حواليه و متطمن لتواجدهم ، و بيعتمد على إحساسه بالأمان دا ف انه يكتشف العالم من حواليه.
الناس اللي بتنضج من الصور دي من العلاقات بتكون قادرة على إنها تكون علاقات صحية مع أقرانهم و دي فيها تفصيل كتير.
2 . ارتباط قلق anxious :
و فيها بيكون الطفل متعرض لنوع من الاهتمام الغير كامل و دا بيسببله توتر شديد و بيولد عنده احساس دائم بأنه قصر في شيء خلى أمه تهمله بعد ما كانت مهتمة بيه،
الطفل دا لما بيكبر بيعاني من خوف مزمن من الفراق fear of abandonment بيخليه دايماً متطلب جداً في العلاقة clingy و متوتر جداً و ممكن يتخلى عن أي شيء مقابل انها تستمر.
3 . إرتباط تجنبي avoidant ( مش واثق من الترجمة العربي )
و دي بسبب ان الطفل اتعرض لإهمال في طفولته أدى لعدم تكوين روابط مع أهله من الأصل، و دا بيستمر معاه لما يكبر في إنه بيخاف يكون علاقات أصلاً مع أي حد fear of intimacy و بيستجيب لأي توتر بالبعد و الفراق ، و الــ fear of intimacy ليها كلام لوحدها بعدين .
اهتمام الأطباء النفسيين بالمرحلة الأولى لحياة الشخص هو شيء بديهي بسبب أهمية المرحلة دي في تكوين البنية النفسية لأي شخص.
الفيديو:
#cycle #Hamed_Ahmed_Hamed #videos
#حامد_أحمد #سيكل
لمعرفة أخبار الورش وأماكنها يمكنكم متابعة صفحة Superwomen stories
No comments:
Post a Comment