::Photo credit goes to its owner::
المقالة لـ “حـامد أحمـد”
الـ bullying التنمر: هو سلوك متكرر ومتعمد بالأذى لطرف على آخر، سواء بالإهانة اللفظية أو الأذى البدني…
وهي حالة متكررة بتحصل للأطفال في مرحلة المدرسة أنه يتعرض لأذى من طفل تاني يعتدى عليه، و بيتعرض له الكبار في الشغل، و ممكن نعتبر التحرش هو نوع من أنواع التنمر .
المتنمر أو الشخص المؤذي بيحتاج لضحية، والأتنين وجهان لنفس العملة، هما الأتنين نتيجة لنفس البيئة اللي بتحل مشاكل أبنائها بالضرب البدني المستمر أو الإهانة المتكررة.
لذلك بنلاقي أن الطفل اللي بينتج من البيئة دي ممكن يتحول من صورة المتنمر إلى صورة الضحية، وممكن الولد الضحية اللي في القصة اللي تحت – القصة موجودة في البوست الأصلى على الفيسبوك – لو اتغيرت له العوامل يتحول لمتنمر ومؤذي، هما الاتنين صورتين لنفس الحالة النفسية وهي الخوف الشديد بسبب الأذى، و انخفاض مستوى حبه لذاته low self esteem اللي بيتولد من الإهانة المتكررة .
المتنمر زي الضحية شخص خايف وعنده انخفاض في حب الذات self esteem و بيكوّن أساليب دفاعية متعددة لمشاعره دى، عشان يواجه إحساسه المستمر بالخوف بيحاول يفرض سيطرته على طرف تاني أضعف و دا إلى حد ما بيحسسه بالأمان….
وعشان يواجه إحساسه بقلة حبه لذاته بيتعمد التقليل من قيمة غيره وإهانته المتعمدة، و الأطفال دول كمان بيعانوا من أنهم مش عارفين يتعرفوا على نفسهم بمعنى أنهم مبيصدقوش أنهم مؤذيين لغيرهم، لأن بسبب انخفاض حبهم لذاتهم من تكرر إهانتهم كونوا أسلوب دفاعي بيخليهم مش بيسمعوا لنقد غيرهم ليهم .
من الحالة اللي تحت دي ممكن نقول أن اللي يحتاج العلاج في الحالتين هما أهالي الولدين مش أهل الولد المتنمر بس ،
للأسف ف الحالات اللي زي بيكون العلاج النفسي للطفل useless إذا لم يتم التعامل مع الأصل الحقيقي للأزمة و هو الأهالي .
دا ملف PDF بيشرح فيه الظاهرة ببساطة للي عاوز يطلع عليها، عشر صفحات بس
الـ post الأصلي على الفيسبوك:
لمعرفة أخبار الورش وأماكنها يمكنكم متابعة صفحة Superwomen stories
#RefuseChildAbuse #cycle #hamed_ahmed_hamed
#سيكل #حامد_أحمد
No comments:
Post a Comment