مقالة لـ خلود شرف
لو بنجهز بيتنا لاستقبال ضيوف او بنجهز بيت عروسه جديد بنعمل كم تجهيزات ضخمة، بنزود البيت بأحسن أنواع الأكل و الفاكهه و بنرتبه علي أكمل وجه.
كذلك الرحم بيستعد بشكل كبير كل شهر لإستقبال طفل، فيروح جدار الرحم يتزود بأحسن دم في جسمنا و يزيد سمكه و يكبر بشكل ما أو يتخن ، لو الضيف – اللي هو الطفل – مجاش بيبدأ كل دا يتقطع و يقع و تكون “الدوره الشهريه”وهكذا كل شهر .
فالطمث باختصار هو نزول دم من المهبل نتيجة تمزق جدار الرحم .
في الحضارات القديمه كانوا بيقدسوا جدا الدم دا، وكمان بيقدسوا المرأه اثناء الفتره دا ، كانت بتتوصف فيها بالقوه والنفوذ ، وكمان رمز للقدره علي الشفاء.
وجدت كتابات في روما القديمه بتقول أن المرأه في الفتره دي لو مشيت في الحقول هاتطرد منها الشر والحشرات اللي بتفسد الزرع و كمان هتبعد أو تخيف العواصف البارده .
في الألفين سنه الأخيره اتغيرت النظره دي بشكل كبير بسبب بعض النصوص الدينيه، و نتيجة ربط المرأه بكل ما هو خطئيه أو شيطاني ، ونتيجه لدا بقي المجتمع بيشوف البنت في فترة الدوره الشهريه لها رمز للقذاره أو عدم النظافه .
في فيديو لـ teal swan وصفت الدم دا أنه مقدس زيه زي قدسية لبن الأم أو الرضاعه، و قالت أنه حرام تكون نهايته في الـ toilet أو الـ tampons.
كان كلامها علي أد إيه دا شيء بيدل علي الكمال في داخل كل بنت، و أنه من الأفضل يتم تجميعه و إعادته بشكل ما للتربه أو الزرع ، وأن بكدا احنا بنعيد تواصلنا مع الأرض، وأن بالدم دا احنا بندعهما و بنمدها بحياه جديده .
و زي ما القمر يعتبر انعكاس لنور الشمس فالبريود هي انعكاس لصحتنا و حياتنا و روحنا .
علي المستوي الطبي فـ “دم البريود ” مليان خلايا جزعية “أساس كل عضو وكل نسيج في جسمنا “، سهل تجميعها والمناعه لا ترفضها
وكمان embryonic stem cells يعني ممكن يطلع منها أي عضو، كمان استخدم “دم البريود ” في الصين في المجال الطبي كـ ماده بتطول العمر.
اللي خلاني أكتب البوست دا حوار ما اتحكالي عن واحد بيقول أن للستات فتره في الشهر بتجيلهم فيه حاجه بتخلي ريحتهم وحشه جدا ،
دا فيديو teal swan فيديو فوق الروعه بتتكلم بشكل فلسفي فيه عن البريود
في الاخر عايزه أقول أن البريود مش شيء يدعو للعار أو شيء قذر بالعكس، دا منه ابتدت الحياه منبع للتجديد والخلق والحياه .
و عجبتني الكلمات دي من مقال معرفتش اترجمها احسن من ما هي مكتوبه فهاحطها زي ما هي
This is truly a sacred time for a woman to tap into her feminine power, fertility, creativity and nurturing spirit. The menstrual cycle is about women’s energy and power; the power to be, to restore, to receive and to create
#pink
#superwomen
#Kholoud_Mohammed_Sharaf
#period
#menstruation
#خلود_شرف
#حيض
#بريود
#دورة_شهرية
وصلة الـpost الأصلي على الفيسبوك:
No comments:
Post a Comment