وقد مر عام على سيكل

::Photo credit goes to its owner::

الموسم الثالث من ورش cycle بدأ، ومن لم يتعرف بعد على تلك الورش المميزة التي أضع لها مُلخصات ومقالات هنا، فهذه التدوينة ستكون فرصتكم لهذا (^0^).

سيكل/ cycle :هي ورشة يقدمها “حامد أحمد وآية منير”، يقدموا توعية بالصحة النفسية بصورة علمية بسيطة، من خلال عرض مصادر صحيحة للناس يقدر الكل يستوعبها، لا يتم تقديم صورة من صور العلاج ولكنها صور من الدعم والمعرفة.

حامد أحمد يقول لنا في بوست على الفيسبوك:

عدي موسمين في cycle والتالت خلاص هيتنفذ ،

دا عرض لأفكار الموسمين باختصار :

** Cycle 1 : relationship psychology

– استعرضنا الموضوع بشكل بسيط عن صور العلاقات في حياتنا، و المشاكل النفسية الموجودة في صور الإهمال ، أو العلاقات السامة toxic relationships، و العلاقات المدمرة destructive relationships.

– و ناقشنا فكرة الإرتباط attachment عند “جون بولبي” و إيه هي الصورة السليمة للارتباط secure attachment و الصور الغير آمنة أو غير سليمة ليها insecure attachments.

– إتكلمنا عن أشهر أساليب الدفاع النفسية defence mechanisms اللي عرضتها Anna Freud في كتابها عن الموضوع، و شرحناهم تفصيلاً، و ادينا أهمية كبيرة للإسقاط projection لأننا في cycle بنحاول نتعلم اننا نقلل من أحكامنا على الناس اللي بتظهر على هيئة إسقاطات projections.

– cycle 1 استمرت 8 أسابيع كل يوم كان غالباً تلات ساعات بنحاول نقدم فيه المعلومات و عملنا يوم أخير للأسئلة سميناه ask cycle

** Cycle 2 : developmental psychology

– في الموسم دا استعرضنا الحالة النفسية على مدار مراحل تطورنا…

عملنا يومين عن سيكولوجية الطفل، اتكلمنا عن المرونة النفسية psychological resilience اللي بيكتسبها الطفل في البيئة السليمة اللي بتشتغل ك مناعة نفسية له بتحميه من الأمراض النفسية لما يكبر.

قدمنا توعية عن أشهر الأمراض النفسية و العصبية الموجودة في الأطفال زي فرط الحركة و قلة الإنتباه ADHD ، و التوحد Autism و نبهنا بضرورة التوعية بالأمراض دي لأن استدراكها في الطفولة بيساعد على التعافي منها أسهل و بيمنع ظهورها بصور أسوأ في المراحل العمرية التانية.

و طبعا أكيد مش نسينا نتكلم عن صور الاعتداء على الطفل child abuse .

– عملنا يوم مهم جداً عن سيكولوجية المراهق teen psychology ، و استعرضنا أهمية التعامل مع مرحلة البلوغ الجنسي للمراهق puberty بصورة واعية لأنها مرحلة اضطراب نفسي للجنسين ، و أهمية الاهتمام بصورة الشخص عن جسمه body image في المرحلة دي.

– استعرضنا في كل اللي فات نظرية Erick Erickson و شرحناها بشكل مبسط.

– عملنا يوم عن pseudo love ، يعني صور الحب الكاذب و أشهر أنواع التصورات الخاطئة عن معنى الحب ، و بعدها يوم عن الـ true love الحب الصحي بلا اي صورة من صور الإعتداء abuse سواء جنسي او بدني أو عاطفي ، و استعنا ببعض آراء الكاتب إريك فروم في كتاب « فن الحب » ،

– إتكلمنا بعض كدا عن الجواز ك فكرة وإزاي ممكن نقدم ليها تصورات أفضل..

و بعدها عملنا يوم عن الانفصال Break up ، أسبابه و صوره و إزاي نتعافي منه أو.نتعافي من أي علاقة مدمرة عدينا بيها ،

– و في النهاية عملنا ورشة حكي للجميع .

– دي استمرت عشر أسابيع كل سيشن كانت تلات ساعات ما بين شرح و نقاش و تمارين .

** Cycle 3 : personality.

في الموسم التالت هنتكلم عن الشخصية و نظرياتها واضطراباتها و نربطها بحياتنا و نقدم وعى عنها بصورة علمية صحيحة – على قدر استطاعتنا – و نعمل توعية بالصور العادية منها و الصور الضارة .

– إحنا بذلنا مجهود حقيقي في إننا نخرج الموسمين اللي فاتوا بصورة مقبولة ، ومنقولش كلمة الا وليها أصل و مرجع و نعرضه ع الناس.

والموسم التالت أتمنى يبقى أفضل و الجميع يقبله مننا و يستفيدوا <3

و احنا هنا بنحتفل ان الموسم التالت هيتنفذ و إن شاء الله يكون أقوى كتير.